கீழ்ப்பாக்கம்
மத்திய சென்னை, கீழ்ப்பாக்கம் மெட்ரோ அருகில். எங்கள் முதன்மை மருத்துவமனை; IVF ஆய்வகம், அறுவை சிகிச்சை அரங்குகள், சிகிச்சைக்குப் பின் ஓய்வறைகள் உள்ளன.
No. 747, Poonamallee High Road, Alagappa Nagar, Kilpauk, Chennai – 600 010
சென்னையில் செயற்கை கருத்தரிப்பு (IVF) சிகிச்சை
IVF சிகிச்சையில் அதிக வெற்றி வாய்ப்பு
IVF கட்டணம் ₹1.5 லட்சம் முதல்
கட்டணத்தை மறைக்காமல் சொல்வோம். கூடுதல் சிகிச்சைகளும் உங்களுக்கு ஆகும் கட்டணமும் சிகிச்சை தொடங்கும் முன்பே விளக்கப்படும்.
5.0★ 2,985+ Google ரிவியூக்கள் · எங்கள் 8 மையங்களிலிருந்து
8 மையங்களிலும் பரிசோதனை வசதி. IVF ஆய்வகம் உள்ள மையங்கள்: கீழ்ப்பாக்கம், திருவான்மியூர், வேலப்பன்சாவடி மற்றும் தாம்பரம்
- 3,000-க்கும் மேற்பட்ட IVF சுழற்சிகளை நேரடியாகக் கவனித்த அனுபவம்
- உங்களுக்குத் தேவையான சிகிச்சை மட்டும்
இலவச ஆலோசனைக்கு முன்பதிவு செய்யுங்கள்
இவற்றில் ஏதாவது உங்களுக்கு இருக்கிறதா?
- பரிசோதனை முடிவுகளின்படி, IVF சிகிச்சையே உங்களுக்குச் சிறந்த வழி என்று தெரிந்திருக்கிறது
- கருக்குழாய்களில் அடைப்பு அல்லது சேதம் இருப்பது பரிசோதனையில் தெரிந்திருக்கிறது
- IUI சிகிச்சை பலன் தரவில்லை
- விந்தணு பரிசோதனையில் விந்தணுக்களின் எண்ணிக்கை அல்லது இயக்கம் குறைவாக இருக்கிறது
- கருமுட்டை இருப்பு குறைவு, கருமுட்டை வெளியாவதில் பிரச்சினை அல்லது எண்டோமெட்ரியோசிஸ் இருக்கிறது
- வேறு மருத்துவமனையில் செய்த IVF பலன் தரவில்லை; இன்னொரு மருத்துவரின் கருத்து வேண்டும்
இவற்றில் ஏதாவது உங்களுக்கு இருந்தால், அடுத்த படி ஒரு ஆலோசனை.
ஆலோசனைக்கு முன்பதிவு செய்யுங்கள்
IVF என்றால் என்ன?
IVF சிகிச்சையை செயற்கை கருத்தரிப்பு என்றும் சொல்வார்கள். இதில், சினைப்பைகளிலிருந்து கருமுட்டைகள் எடுக்கப்படும். ஆய்வகத்தில் அவற்றை விந்தணுவுடன் சேர்த்துக் கரு உருவாக்கப்படும். அந்தக் கரு சில நாட்கள் ஆய்வகத்தில் வளரும். பிறகு அது கருப்பைக்குள் செலுத்தப்படும். கரு அங்கே பதிந்து வளர்ந்தால் கர்ப்பம் உண்டாகும்.
ஊசி மருந்து தொடங்கியதிலிருந்து கர்ப்பப் பரிசோதனை வரை, ஒரு முறைக்குச் சுமார் நான்கு முதல் ஆறு வாரங்கள் ஆகும். கருக்குழாய்களில் அடைப்பு இருந்தாலும் IVF உதவக்கூடும். விந்தணுக்களின் எண்ணிக்கை அல்லது இயக்கம் குறைவாக இருந்தாலும் உதவக்கூடும். குழந்தையின்மைக்கான காரணம் தெரியாவிட்டாலும் உதவக்கூடும்.
முதலில், கருத்தரிப்புப் பரிசோதனைகள்
IVF பற்றிப் பேசும் முன், கருத்தரிக்காமல் இருப்பதற்கு உண்மையான காரணம் என்ன என்று கண்டுபிடிக்கிறோம். IUI போன்ற எளிய சிகிச்சையே போதும் என்றால், அதையே சொல்வோம்.
- உங்களுக்கு ஆலோசனையும் ஸ்கேனும்
- கருமுட்டை இருப்பைக் காட்டும் AMH உட்பட ஹார்மோன் இரத்தப் பரிசோதனைகள்
- இருவருக்குமே பரிசோதனை: கணவருக்கு விந்தணு பரிசோதனை
IVF சிகிச்சை எங்கே நடக்கிறது?
ஆலோசனை, ஸ்கேன், பரிசோதனைகள் எங்கள் 8 மையங்களிலும் நடக்கும். கருமுட்டை எடுத்தல், ஆய்வக வேலைகள், கருவைக் கருப்பைக்குள் செலுத்துதல் மூன்றும் IVF ஆய்வகம் உள்ள 4 மையங்களில் நடக்கும்.
எங்கள் 8 சென்னை மையங்கள்:
திருவான்மியூர்
தெற்கு சென்னை, கிழக்குக் கடற்கரைச் சாலை (ECR) அருகில். சொந்த IVF ஆய்வகம், IVF அறுவை அரங்கம், சிகிச்சைக்குப் பின் ஓய்வறை கொண்ட IVF மையம்.
Second Floor, No. 1, 3rd Street, Malaviya Avenue, Thiruvanmiyur, Chennai – 600 041
வேலப்பன்சாவடி
மேற்கு சென்னை, பூந்தமல்லி நெடுஞ்சாலையில். சொந்த IVF ஆய்வகம், IVF அறுவை அரங்கம், சிகிச்சைக்குப் பின் ஓய்வறை கொண்ட IVF மையம்.
2nd Floor, Dr. Mehta's Global Campus, No. 50, Poonamallee High Road, Velappanchavadi, Thiruverkadu, Chennai – 600 077
தாம்பரம்
தெற்கு சென்னை, தாம்பரம் ரயில் நிலையம் அருகில். சொந்த IVF ஆய்வகம், அறுவை சிகிச்சை அரங்குகள், உள்நோயாளர் அறைகள் கொண்ட IVF மையம்.
No. 4, Rajaji Road, West Tambaram, Tambaram, Chennai – 600 045
எந்தெந்தப் பிரச்சினைகளுக்கு IVF உதவும்?
காரணத்தைப் பொறுத்துதான் சிகிச்சை. பல பிரச்சினைகளுக்கு ஒன்றுக்கு மேற்பட்ட வழிகள் இருக்கின்றன.
உங்கள் நிலைIVF எப்படி உதவும்இன்னும் அறிய
கருக்குழாய் அடைப்பு
கரு ஆய்வகத்திலேயே உருவாக்கப்படுவதால், கருக்குழாய்கள் தேவைப்படுவதில்லை.
கருக்குழாய் அடைப்பு பற்றிவிந்தணு எண்ணிக்கை அல்லது இயக்கம் குறைவு
IVF சிகிச்சையுடன் செய்யும் ICSI முறையில், ஒவ்வொரு கருமுட்டைக்குள்ளும் ஒரு விந்தணு நேரடியாகச் செலுத்தப்படும்.
ICSI சிகிச்சைகருமுட்டை இருப்பு குறைவு
உங்கள் கருமுட்டை இருப்புக்கு ஏற்ற மருந்துகள் மூலம், இருக்கும் கருமுட்டைகளைப் பெற முயற்சி செய்கிறோம்.
கருமுட்டை இருப்புக் குறைவுக்கான சிகிச்சைஎண்டோமெட்ரியோசிஸ்
எண்டோமெட்ரியோசிஸால் கருக்குழாய்களோ கருமுட்டையின் தரமோ பாதிக்கப்பட்டிருந்தால், IVF உதவும்.
எண்டோமெட்ரியோசிஸ் பற்றிIUI பலன் தரவில்லை
கரு ஆய்வகத்திலேயே உருவாவதால், IUI சிகிச்சையில் தடை வரக்கூடிய பல படிகள் தேவைப்படுவதில்லை.
IUI சிகிச்சையிலிருந்து IVF சிகிச்சைக்கு எப்போது மாறலாம்?முந்தைய IVF பலன் தரவில்லை
அடுத்த முறையைத் திட்டமிடும் முன், கடந்த முறை என்ன நடந்தது என்று முழுமையாகப் பார்க்கிறோம்.
IVF ஏன் தோல்வியடைகிறது?கருக்களைப் பரிசோதிக்க வேண்டியிருக்கிறது
மருத்துவர் சொன்னால், கருப்பைக்குள் செலுத்தும் முன் கருக்களுக்கு மரபணுப் பரிசோதனை (PGT) செய்வோம்.
மரபணுப் பரிசோதனை (PGT)
Yaal மையங்களில் IVF சிகிச்சைக் கட்டணம்
மையத்துக்கு வரும் முன்பே திட்டமிட உதவும் தெளிவான கட்டணங்கள். உங்கள் தேவைகளையும் பரிசோதனைகளையும் பார்த்து, உங்களுக்கு ஆகும் கட்டணத்தை மருத்துவர் சொல்வார்.
| IVF சிகிச்சை | ₹1.5 லட்சம் முதல் |
| முதல் பரிசோதனை (ஸ்கேன் + ஆலோசனை) | ₹300 – ₹600 |
| கருத்தரிப்பு இரத்தப் பரிசோதனைகள் | ₹3,000 – ₹5,000 |
| விந்தணு பரிசோதனை | ₹500 – ₹1,000 |
| உறையவைத்த கருவைக் கருப்பைக்குள் செலுத்துதல் | ₹30,000 – ₹35,000 |
| கூடுதல் சிகிச்சைகள் (மருத்துவர் பரிந்துரைத்தால் மட்டும்) | |
|---|---|
| எம்ப்ரியோ க்ளூ | ₹8,000 – ₹10,000 |
| லேசர் ஹேச்சிங் | ₹8,000 – ₹12,000 |
| ZYMOT / PICSI | ₹8,000 – ₹12,000 |
இவை தோராயமான கட்டணங்கள். மருத்துவர் சொன்னால் மட்டுமே கூடுதல் சிகிச்சைகள் சேர்க்கப்படும்.
IVF சிகிச்சை எப்படி நடக்கிறது?
- 1
ஆலோசனையும் பரிசோதனைகளும்
ஹார்மோன் பரிசோதனைகள், ஸ்கேன், விந்தணு பரிசோதனை, உங்கள் மருத்துவ வரலாறு எல்லாவற்றையும் டாக்டர் Rukkayal பார்ப்பார். பிறகு அவரே உங்களுக்கான சிகிச்சைத் திட்டத்தைத் தயாரிப்பார்.
- 2
கருமுட்டைகள் வளர ஊசி
பல கருமுட்டைகள் வளர, 8 முதல் 14 நாட்கள் ஹார்மோன் ஊசிகள் போடப்படும். இடையிடையே ஸ்கேனும் இரத்தப் பரிசோதனையும் செய்து, கருமுட்டைகள் எப்படி வளர்கின்றன என்று பார்ப்போம்.
- 3
கருமுட்டை எடுத்தல்
மயக்க மருந்து கொடுத்து, ஸ்கேன் உதவியுடன் முதிர்ந்த கருமுட்டைகள் எடுக்கப்படும். இதற்குச் சுமார் 15 முதல் 20 நிமிடங்களே ஆகும்.
- 4
கரு உருவாக்கமும் வளர்ப்பும்
எங்கள் IVF ஆய்வகத்தில் கருமுட்டைகளை விந்தணுவுடன் சேர்த்துக் கரு உருவாக்கப்படும். அனுபவமுள்ள கருவியல் நிபுணர்கள் அந்தக் கருக்களை 3 முதல் 5 நாட்கள் கவனமாக வளர்ப்பார்கள்.
- 5
கருவைக் கருப்பைக்குள் செலுத்துதல்
நல்ல தரமான கரு (அல்லது கருக்கள்) கருப்பைக்குள் செலுத்தப்படும். இதில் வலி இருக்காது. மீதம் உள்ள நல்ல கருக்களைப் பிறகு பயன்படுத்த உறைய வைக்கலாம்.
- 6
கர்ப்பப் பரிசோதனையும் தொடர் கவனிப்பும்
கருவைக் கருப்பைக்குள் செலுத்தி 14 நாட்கள் கழித்து, beta-hCG இரத்தப் பரிசோதனை செய்வோம். கர்ப்பம் உண்டா என்று அதில் உறுதியாகத் தெரியும். கர்ப்பத்தின் முதல் வாரங்களிலும் எங்கள் குழு உங்களுடன் இருக்கும்.
Dr. Rukkayal Fathima தலைமையில் சிகிச்சை
MBBS, MS (OG), MRCOG (UK), FRM. Yaal Fertility Centre நிறுவனர், இயக்குநர். 3,000-க்கும் மேற்பட்ட IVF சுழற்சிகளை நேரடியாகக் கவனித்தவர்.
Dr. Rukkayal Fathima பற்றி அறியஎங்கள் கருத்தரிப்பு மருத்துவக் குழு
Dr. Karthikha RaviMBBS, DGO, DNB (OG), MRCOG, FMAS, CIMP
Dr. P. Lakshmi PriyaaMBBS, MS (OG), DNB (OG), FMAS
Dr. Preethi MMBBS, MS (OG), DNB (OG), FMAS, FART
Dr. Aiswarya RMBBS, MS (OG), DNB (OG), FRM
Dr. P. PradeepaMBBS, MS (OG), Fellowship in Endogynaecology
Dr. Anuvigashini MMBBS, MS (OG), DNB (OG), FRM
Dr. Kunguma SangeethaMBBS, MS (OG), DNB (OG), FRM
Dr. Nandhini G MMBBS, MS (OG), Certified in Clinical ART & Embryology
நோயாளிகளின் அனுபவங்கள்
நம்பிக்கையின் கதைகள்
Yaal Fertility Centre-இல் பெற்றோரான குடும்பங்களின் உண்மைக் கதைகள்.
SP
We are extremely grateful to our Gynaecologist (Rukkayal Mam) for her exceptional care, patience, and constant encouragement throughout our journey. After few years of waiting and uncertainty, we were finally blessed with our Twin babies.
Suganya P
Fertility Treatment, Twins
via Google Reviews
பாருங்கள் · 0:41 · தமிழ்
IVF படிப்படியாக: கருமுட்டை எடுத்தல் முதல் கருவைக் கருப்பைக்குள் செலுத்துவது வரை
IVF பயணம் படிப்படியாக: கருமுட்டை எடுத்தல், கரு வளர்ச்சி, பிளாஸ்டோசிஸ்ட் நிலை, கருவைக் கருப்பைக்குள் செலுத்துதல்.
அடிக்கடி கேட்கப்படும் கேள்விகள்
சென்னையில் IVF சிகிச்சைக்கு எவ்வளவு செலவாகும்?+
Yaal மையங்களில் IVF சிகிச்சைக் கட்டணம் ₹1.5 லட்சம் முதல் தொடங்குகிறது. கட்டண விவரங்களை மறைக்காமல் சொல்வோம். கூடுதல் சிகிச்சை ஏதாவது தேவைப்பட்டால், அதை முன்பே விளக்குவோம். ஆலோசனையும் பரிசோதனைகளும் முடிந்ததும், உங்களுக்கு ஆகும் கட்டணத்தை மருத்துவர் சொல்வார்.
பொதுவாக எத்தனை முறை IVF செய்ய வேண்டியிருக்கும்?+
எங்கள் மையத்தில் IVF சிகிச்சையின் வெற்றி வாய்ப்பு அதிகம். அதனால் பலர் முதல் முறையிலேயே கருத்தரிக்கிறார்கள். ஆனால் வயது, கருமுட்டையின் தரம், வேறு உடல்நலப் பிரச்சினைகள் இவற்றைப் பொறுத்து, சிலருக்கு 2 அல்லது 3 முறை தேவைப்படலாம். உங்கள் நிலையில் என்ன எதிர்பார்க்கலாம் என்பதை டாக்டர் Rukkayal ஆலோசனையின்போது மறைக்காமல் சொல்வார்.
IVF சிகிச்சையில் வலி இருக்குமா?+
பெரும்பாலானோருக்கு இது எளிதாகவே இருக்கிறது. தினமும் போடும் ஹார்மோன் ஊசிகள், இன்சுலின் ஊசி போன்ற சிறிய ஊசிகள்தான். கருமுட்டை எடுக்கும்போது மயக்க மருந்து கொடுப்பதால் வலி தெரியாது. கருவைக் கருப்பைக்குள் செலுத்தும்போது வலி இருக்காது; அதற்கு மயக்க மருந்தும் தேவையில்லை. சிலருக்கு லேசான வயிறு உப்புசம் அல்லது அடிவயிற்று வலி இருக்கலாம். அது சாதாரணம்தான்.
IVF, IUI இரண்டுக்கும் என்ன வேறுபாடு?+
IUI சிகிச்சையில், சுத்தம் செய்த விந்தணுக்கள் நேரடியாகக் கருப்பைக்குள் செலுத்தப்படும். கரு உடலுக்குள்ளேயே இயற்கையாக உருவாகும். IVF சிகிச்சையில், கருமுட்டைகள் வெளியே எடுக்கப்பட்டு, ஆய்வகத்தில் கரு உருவாக்கப்படும். பிறகு அந்தக் கரு கருப்பைக்குள் செலுத்தப்படும். IVF சிகிச்சையில் வெற்றி வாய்ப்பு அதிகம். IUI பலன் தராதபோதும், பிரச்சினை சிக்கலாக இருக்கும்போதும் மருத்துவர் IVF சொல்வார்.
IVF சிகிச்சையின்போது வேலைக்குப் போகலாமா?+
போகலாம். பெரும்பாலானோர் சிகிச்சை நாட்களிலும் வேலைக்குப் போகிறார்கள். ஸ்கேன், பரிசோதனைகளுக்கு (பெரும்பாலும் காலையில்) சில மணி நேரம் விடுப்பு தேவைப்படலாம். கருமுட்டை எடுக்கும் நாளை ஒட்டி 1 அல்லது 2 நாட்கள் விடுப்பு தேவைப்படலாம். கருவைக் கருப்பைக்குள் செலுத்திய பிறகு சில நாட்கள் லேசான வேலைகள் மட்டும் செய்தால் போதும்; படுக்கையிலேயே இருக்கத் தேவையில்லை. உங்கள் வேலை நேரத்துக்கு ஏற்பத் திட்டமிட எங்கள் குழு உதவும்.
ஒரு முறை IVF முடிய எவ்வளவு நாள் ஆகும்?+
ஊசி மருந்து தொடங்கியதிலிருந்து கர்ப்பப் பரிசோதனை வரை சுமார் நான்கு முதல் ஆறு வாரங்கள் ஆகும். ஊசி மருந்துகள் 8 முதல் 14 நாட்கள். கருமுட்டை எடுக்க 15 முதல் 20 நிமிடங்கள். ஆய்வகத்தில் கரு வளர 3 முதல் 5 நாட்கள். கருவைக் கருப்பைக்குள் செலுத்தி 14 நாட்கள் கழித்து, இரத்தப் பரிசோதனையில் முடிவு தெரியும். கருக்களை உறைய வைத்தால், அவற்றைப் பிறகு வேறொரு மாதத்தில் கருப்பைக்குள் செலுத்தலாம்.
Yaal மையத்தில் IVF சிகிச்சையின் வெற்றி வாய்ப்பு எப்படி?+
Yaal Fertility Centre மையங்களில் IVF சிகிச்சையின் வெற்றி வாய்ப்பு அதிகம். உங்களுக்கான வாய்ப்பு பெரும்பாலும் சில விஷயங்களைப் பொறுத்தது: உங்கள் வயது, கருமுட்டை மற்றும் விந்தணுவின் தரம், குழந்தையின்மைக்கான காரணம். பரிசோதனைகள் முடிந்ததும், நீங்கள் என்ன எதிர்பார்க்கலாம் என்பதை மருத்துவர் தெளிவாகச் சொல்வார்.
IVF சிகிச்சைக்கு வயது வரம்பு உண்டா?+
இந்தியச் சட்டப்படி, 21 முதல் 50 வயது வரை உள்ள பெண்களும், 21 முதல் 55 வயது வரை உள்ள ஆண்களும் செயற்கைக் கருத்தரிப்புச் சிகிச்சை பெறலாம். ஆனால் 42 வயதுக்குப் பிறகு, சொந்தக் கருமுட்டைகள் மூலம் கருத்தரிக்கும் வாய்ப்பு மிகவும் குறைந்துவிடும். உங்களுக்கு என்னென்ன வழிகள் இருக்கின்றன என்பதை மருத்துவர் விளக்குவார்.
OHSS என்றால் என்ன? அந்த ஆபத்தை எப்படித் தடுக்கிறீர்கள்?+
சில நேரம் கருத்தரிப்பு மருந்துகளால் சினைப்பைகள் அளவுக்கு மீறி வீங்கிவிடும். உடலில் நீரும் தேங்கும். இதுவே OHSS. லேசான வயிறு உப்புசத்துடன் வரும் சிறிய பாதிப்பு பலருக்கு வரும்; அது தானாகவே சரியாகிவிடும். தீவிர பாதிப்பு அரிது. உங்கள் கருமுட்டை இருப்புக்கு ஏற்ப மருந்தின் அளவை முடிவு செய்கிறோம். சிகிச்சை முழுவதும் ஸ்கேன், இரத்தப் பரிசோதனைகள் மூலம் கவனமாகப் பார்த்துக்கொள்கிறோம். இதனால் இந்த ஆபத்து குறைகிறது. PCOS உள்ளவர்களுக்கும், ஸ்கேனில் நிறைய கருமுட்டைப் பைகள் தெரிபவர்களுக்கும் ஆபத்து அதிகம். அவர்களுக்குக் கூடுதல் கவனத்துடன் மருந்து கொடுக்கிறோம்.
தொடர்புடைய சிகிச்சைகள்: ICSI சிகிச்சை, கருமுட்டை உறையவைப்பு, மரபணுப் பரிசோதனை (PGT), உறையவைத்த கருவைக் கருப்பைக்குள் செலுத்துதல்
IVF உங்களுக்குச் சரியா என்று தெரிந்துகொள்ளுங்கள்
உங்கள் தொலைபேசி எண்ணைப் பதிவு செய்யுங்கள். நாங்களே உங்களை அழைப்போம். அருகில் உள்ள மையத்தில் முதல் பரிசோதனைக்கு நேரம் குறித்துத் தருவோம்.