கீழ்ப்பாக்கம்
எங்கள் முதன்மை மருத்துவமனை. விந்தணு பரிசோதனை ஆய்வகம், IVF ஆய்வகம், அறுவை சிகிச்சை அரங்குகள் எல்லாம் இங்கேயே இருக்கின்றன.
No. 747, Poonamallee High Road, Alagappa Nagar, Kilpauk, Chennai – 600 010
சென்னையில் ஆண்களுக்கான கருத்தரிப்புச் சிகிச்சை
பெரும்பாலான காரணங்களுக்குச் சிகிச்சை இருக்கிறது
5.0★ 2,985+ Google ரிவியூக்கள் · எங்கள் 8 மையங்களிலிருந்து
8 மையங்களிலும் விந்தணு பரிசோதனை. முதன்மை மையங்கள்: கீழ்ப்பாக்கம் மற்றும் மயிலாப்பூர்
- சென்னையில் எங்கள் 8 மையங்களிலும் விந்தணு பரிசோதனை
- தனிப்பட்ட, ரகசியமான ஆலோசனை
இலவச ஆலோசனைக்கு முன்பதிவு செய்யுங்கள்
நீங்கள் பரிசோதனை செய்துகொள்ள வேண்டுமா?
- ஒரு வருடமோ அதற்கு மேலோ குழந்தைக்கு முயற்சி செய்கிறீர்கள்
- மனைவி பரிசோதனை செய்துகொண்டார்; நீங்கள் இன்னும் செய்யவில்லை
- விந்தணு பரிசோதனையில் விந்தணுக்களின் எண்ணிக்கை, இயக்கம் அல்லது வடிவத்தில் குறைபாடு இருக்கிறது
- விந்தணு பரிசோதனையில் விந்தணுக்களே இல்லை (அசூஸ்பெர்மியா) என்று தெரிந்திருக்கிறது
- உங்களுக்கு வெரிகோசீல் (விதைப்பை நரம்பு வீக்கம்) இருப்பதாக மருத்துவர் சொல்லியிருக்கிறார்
- விந்து வெளியேறுவதில் பிரச்சினை இருக்கிறது, அல்லது ஏற்கெனவே ஹார்மோன் குறைபாடு இருப்பது தெரியும்
- குடும்பக் கட்டுப்பாட்டு அறுவை சிகிச்சை (வாசெக்டமி) செய்துகொண்டீர்கள்; அதை மீண்டும் சரிசெய்ய முடியுமா என்று தெரிந்துகொள்ள விரும்புகிறீர்கள்
- பல பரிசோதனைகள் செய்தும், ஏன் கருத்தரிக்கவில்லை என்பது தெரியவில்லை
இவற்றில் ஏதாவது உங்களுக்கு இருந்தால், அடுத்த படி ஒரு ஆலோசனை.
ஆலோசனைக்கு முன்பதிவு செய்யுங்கள்
கணவர் பக்கக் காரணம் என்றால் என்ன?
சில நேரங்களில் விந்தணுக்களின் எண்ணிக்கை, இயக்கம் அல்லது வடிவத்தில் குறைபாடு இருக்கும். சிலருக்கு விந்துவில் விந்தணுக்களே இருக்காது. இதனால் கருத்தரிப்பது கடினமாகலாம். இதையே கணவர் பக்கக் காரணம் என்கிறோம். சென்னையில் உள்ள எங்கள் மையங்களில், ஆண்களுக்கான கருத்தரிப்புச் சிகிச்சை இந்தக் காரணத்தைக் கண்டுபிடிப்பதிலிருந்து தொடங்குகிறது. குழந்தைக்காகச் சிரமப்படும் தம்பதியரில் சுமார் பாதிப் பேருக்குக் கணவர் பக்கக் காரணமும் இருக்கிறது. சிலருக்கு அது மட்டுமே காரணம். சிலருக்கு மனைவி பக்கக் காரணத்துடன் சேர்ந்து இருக்கும்.
முதல் வருகையிலேயே கணவரையும் பரிசோதிக்கிறோம். அதனால் தவறான காரணத்துக்காக மாதக்கணக்கில் சிகிச்சை எடுக்க வேண்டியதில்லை. மனைவியின் வயது கூடும்போது கருமுட்டையின் தரம் குறையும். அதனால் இப்படி மிச்சமாகும் நேரம் மிகவும் முக்கியம்.
முதலில், விந்தணு பரிசோதனை
இது வலியில்லாத எளிய பரிசோதனை. பொதுவாக நாங்கள் முதலில் செய்வதும் இதுதான். ஒவ்வொரு Yaal மையத்திலும் விந்தணு பரிசோதனை ஆய்வகம் இருக்கிறது. அதனால் உங்கள் வீட்டுக்கு அருகிலேயே செய்துகொள்ளலாம்.
- விந்தணுக்களின் எண்ணிக்கை, இயக்கம், வடிவம் மூன்றையும் WHO அளவுகளுடன் ஒப்பிட்டுப் பார்ப்போம்
- 2 முதல் 7 நாட்கள் விந்து வெளியேறாமல் இருந்த பிறகு மாதிரி தர வேண்டும்
- விந்தணு எண்ணிக்கை இயற்கையாகவே மாறும். அதனால் 2 முதல் 4 வாரங்கள் கழித்து இரண்டாவது முறை பரிசோதிப்போம்
ஆண்களுக்கான கருத்தரிப்புச் சிகிச்சைக்கு எங்கே வரலாம்?
ஆண்களுக்கான கருத்தரிப்புச் சிகிச்சைக்குக் கீழ்ப்பாக்கம், மயிலாப்பூர் எங்கள் முதன்மை மையங்கள். மற்ற ஐந்து மையங்களிலும், உங்கள் வீட்டுக்கு அருகிலேயே உங்கள் சிகிச்சைக்கு உதவுவோம்.
எங்கள் 8 சென்னை மையங்கள்:
மயிலாப்பூர்
சொந்த விந்தணு பரிசோதனை ஆய்வகம் உள்ள ஆலோசனை மையம். பரிசோதனைகள், முடிவுகள், சிகிச்சைத் திட்டம் எல்லாம் இங்கே செய்யலாம்.
No. 149/1, Luz Church Road, Bhaskarapuram, Mylapore, Chennai – 600 004
திருவான்மியூர், வேலப்பன்சாவடி மையங்களில் IVF ஆய்வகங்களும் IVF அறுவை அரங்குகளும் இருக்கின்றன. செங்குன்றம் மையத்தில் அறுவை சிகிச்சை அரங்கம் இருக்கிறது.
கணவர் பக்கக் காரணங்களும் அவற்றுக்கான சிகிச்சையும்
காரணத்தைப் பொறுத்துதான் சிகிச்சை. பல பிரச்சினைகளுக்கு ஒன்றுக்கு மேற்பட்ட வழிகள் இருக்கின்றன.
பரிசோதனையில் தெரிவதுபொதுவான சிகிச்சைஇன்னும் அறிய
விந்தணு எண்ணிக்கைக் குறைவு
காரணத்தைப் பொறுத்து ஹார்மோன் மருந்துகள் அல்லது வாழ்க்கை முறை மாற்றங்கள். எண்ணிக்கை மிகவும் குறைவாக இருந்தால் ICSI சிகிச்சை.
விந்தணு எண்ணிக்கைக் குறைவுக்கான சிகிச்சைவிந்தணு இயக்கக் குறைவு
முதலில் வாழ்க்கை முறை மாற்றங்களும் மருந்துகளும். பிறகு, பாதிப்பு எவ்வளவு என்பதைப் பொறுத்து IUI அல்லது ICSI சிகிச்சை.
விந்தணு இயக்கக் குறைவு பற்றிவிந்தணு வடிவக் குறைபாடு
ICSI முறையில், கருவியல் நிபுணர் ஆரோக்கியமான ஒரு விந்தணுவைத் தேர்ந்தெடுத்து, கருமுட்டைக்குள் நேரடியாகச் செலுத்துவார்.
ICSI சிகிச்சைவிந்துவில் விந்தணுக்கள் இல்லை
TESA, MESA அல்லது micro-TESE மூலம் விந்தணுக்களை நேரடியாக எடுத்து, ICSI சிகிச்சை செய்வோம்.
TESA, micro-TESEவெரிகோசீல் (விதைப்பை நரம்பு வீக்கம்)
வீங்கிய நரம்புகளைச் சரிசெய்யும் நுண் அறுவை சிகிச்சை. அதன் பிறகு மூன்று முதல் ஆறு மாதங்கள் வரை விந்தணு பரிசோதனை செய்து முன்னேற்றத்தைப் பார்ப்போம்.
வெரிகோசீல் சிகிச்சை பற்றிஹார்மோன் குறைபாடு
விந்தணு உற்பத்திக்குத் தேவையான ஹார்மோன்களைச் சரிசெய்யும் சிகிச்சை.
காரணங்கள் பற்றிஅதிக சூடு, புகைப்பழக்கம், உடல் எடை, ஸ்டீராய்டு
வாழ்க்கை முறை மாற்றங்கள். விந்தணு உருவாகச் சுமார் மூன்று மாதங்கள் ஆகும். அதனால் குறைந்தது அவ்வளவு காலம் தொடர வேண்டும்.
விந்தணுக்களின் தரத்தை உயர்த்துவது எப்படி?
முன்பதிவு செய்த பிறகு என்ன நடக்கும்?
- 1
உடல்நல வரலாறு, உடல் பரிசோதனை, ஆய்வகப் பரிசோதனைகள்
மருத்துவர் உங்கள் உடல்நல வரலாற்றைக் கேட்டுவிட்டு, உங்களைப் பரிசோதிப்பார். பிறகு விந்தணு பரிசோதனை செய்வோம். தேவைப்பட்டால் FSH, LH, டெஸ்டோஸ்டிரோன், புரோலாக்டின் ஹார்மோன்களுக்கு இரத்தப் பரிசோதனையும், விதைப்பை டாப்ளர் ஸ்கேனும் செய்வோம்.
- 2
முடிவுகளை விளக்குவோம்
டாக்டர் Rukkayal Fathima அவர்களும் எங்கள் குழுவினரும் பரிசோதனை முடிவுகளைக் கணவன் மனைவி இருவருக்கும் சேர்த்து விளக்குவார்கள். காரணம் என்ன, என்ன சிகிச்சை, எவ்வளவு காலம் ஆகும், தோராயமாக எவ்வளவு செலவாகும் என்பதைத் தெளிவாகச் சொல்வார்கள்.
- 3
காரணத்துக்கு ஏற்ற சிகிச்சை
பரிசோதனையில் தெரியவருவதைப் பொறுத்து சிகிச்சை அமையும். ஹார்மோன் மருந்துகள், வெரிகோசீல் அல்லது விந்துக் குழாய் அடைப்பைச் சரிசெய்யும் அறுவை சிகிச்சை, அல்லது விந்தணுக்களின் ஆரோக்கியத்தை உயர்த்தும் திட்டம். இவற்றில் உங்களுக்கு ஏற்றதை மருத்துவர் சொல்வார்.
- 4
தேவைப்பட்டால், மேம்பட்ட சிகிச்சைகள்
இயற்கையாகக் கருத்தரிக்கும் வாய்ப்பு குறைவாக இருந்தால், ICSI முறையில் கரு உருவாக்கலாம். விந்துவில் விந்தணு இல்லையென்றால், சிறிய அறுவை முறையில் (TESA, MESA அல்லது micro-TESE) விந்தணுக்களை எடுத்துப் பயன்படுத்தலாம்.
Dr. Rukkayal Fathima தலைமையில் சிகிச்சை
MBBS, MS (OG), MRCOG (UK), FRM. Yaal Fertility Centre நிறுவனர், இயக்குநர். 3,000-க்கும் மேற்பட்ட IVF சுழற்சிகளை நேரடியாகக் கவனித்தவர்.
Dr. Rukkayal Fathima பற்றி அறியஎங்கள் கருத்தரிப்பு மருத்துவக் குழு
Dr. Karthikha RaviMBBS, DGO, DNB (OG), MRCOG, FMAS, CIMP
Dr. P. Lakshmi PriyaaMBBS, MS (OG), DNB (OG), FMAS
Dr. Preethi MMBBS, MS (OG), DNB (OG), FMAS, FART
Dr. Aiswarya RMBBS, MS (OG), DNB (OG), FRM
Dr. P. PradeepaMBBS, MS (OG), Fellowship in Endogynaecology
Dr. Anuvigashini MMBBS, MS (OG), DNB (OG), FRM
Dr. Kunguma SangeethaMBBS, MS (OG), DNB (OG), FRM
Dr. Nandhini G MMBBS, MS (OG), Certified in Clinical ART & Embryology
நோயாளிகளின் அனுபவங்கள்
நம்பிக்கையின் கதைகள்
Yaal Fertility Centre-இல் பெற்றோரான குடும்பங்களின் உண்மைக் கதைகள்.
SP
We are extremely grateful to our Gynaecologist (Rukkayal Mam) for her exceptional care, patience, and constant encouragement throughout our journey. After few years of waiting and uncertainty, we were finally blessed with our Twin babies.
Suganya P
Fertility Treatment, Twins
via Google Reviews
அடிக்கடி கேட்கப்படும் கேள்விகள்
ஆண்களுக்கான கருத்தரிப்புச் சிகிச்சைக்குச் சென்னையில் எந்த Yaal மையத்துக்கு வர வேண்டும்?+
ஆண்களுக்கான கருத்தரிப்புச் சிகிச்சைக்குக் கீழ்ப்பாக்கம், மயிலாப்பூர் எங்கள் முதன்மை மையங்கள். விந்தணு பரிசோதனையும் ஆலோசனையும் பள்ளிக்கரணை, திருவான்மியூர், மடிப்பாக்கம், செங்குன்றம், வேலப்பன்சாவடி மையங்களிலும் கிடைக்கும். கீழ்ப்பாக்கம், திருவான்மியூர், வேலப்பன்சாவடி மையங்களில் IVF ஆய்வகங்கள் இருக்கின்றன. உங்களுக்கு ஏதாவது சிகிச்சை தேவைப்பட்டால், எந்த மையம் சரியானது என்று எங்கள் குழு சொல்லும்.
ஆண்களுக்குக் கருத்தரிப்புப் பிரச்சினை ஏன் வருகிறது?+
பல காரணங்கள் இருக்கலாம். விதைகளில் விந்தணு உற்பத்தி குறைவது, விந்தணுக்கள் வெளியே வரும் பாதையில் அடைப்பு, ஹார்மோன் குறைபாடு, மரபணுக் காரணங்கள், வாழ்க்கை முறை. அடிக்கடி பார்க்கும் நிலைகள்: வெரிகோசீல், விந்தணு எண்ணிக்கைக் குறைவு, விந்தணு இயக்கக் குறைவு, வடிவக் குறைபாடு, விந்துவில் விந்தணுக்களே இல்லாத நிலை (அசூஸ்பெர்மியா). அதிக சூடு, புகைப்பழக்கம், உடல் பருமன், உடற்கட்டுக்காக எடுக்கும் ஸ்டீராய்டு மருந்துகள் போன்றவையும் விந்தணுக்களின் தரத்தைக் குறைக்கலாம்.
ஆண்களின் கருத்தரிப்புப் பிரச்சினையைச் சரிசெய்ய முடியுமா?+
ஆம். பெரும்பாலான நிலைகளுக்கு நல்ல சிகிச்சை இருக்கிறது. காரணத்தைப் பொறுத்து, வாழ்க்கை முறை மாற்றங்கள், ஹார்மோன் மருந்துகள், வெரிகோசீலைச் சரிசெய்யும் நுண் அறுவை சிகிச்சை, அல்லது விந்தணுக்களை நேரடியாக எடுக்கும் TESA அல்லது micro-TESE செய்யலாம். இயற்கையாகக் கருத்தரிக்க முடியாதபோது, ICSI முறையில் ஒரே ஒரு உயிருள்ள விந்தணுவை வைத்தும் கரு உருவாக்க முடியும்.
TESA, MESA என்றால் என்ன?+
விந்துவில் விந்தணுக்கள் இல்லாதபோது (அசூஸ்பெர்மியா), விந்தணுக்களை நேரடியாக எடுக்கச் செய்யும் சிறிய அறுவை முறைகள் இவை. TESA முறையில், அந்த இடத்தை மட்டும் மரத்துப்போகச் செய்து, மெல்லிய ஊசி மூலம் விதையிலிருந்து விந்தணுக்களை எடுப்பார்கள். MESA ஒரு நுண் அறுவை முறை. விந்தணுக்கள் வெளியே வரும் பாதையில் அடைப்பு இருந்தால், விதையை ஒட்டியுள்ள விந்தணுக் குழாயிலிருந்து (எபிடிடிமிஸ்) விந்தணுக்களை எடுப்பார்கள்.
ஆண்களுக்கான கருத்தரிப்புச் சிகிச்சைக்கு எவ்வளவு காலம் ஆகும்?+
காரணத்தையும் சிகிச்சையையும் பொறுத்தது. விந்தணுக்கள் உருவாகச் சுமார் 90 நாட்கள் ஆகும். அதனால் மருந்துச் சிகிச்சையிலோ வெரிகோசீல் அறுவை சிகிச்சைக்குப் பிறகோ முன்னேற்றம் தெரிய, பொதுவாக மூன்று முதல் ஆறு மாதங்கள் ஆகும். ICSI உடன் IVF செய்தால், மனைவிக்கு ஊசி மருந்துகள் தொடங்கியதிலிருந்து கருவைக் கருப்பைக்குள் செலுத்துவது வரை சுமார் நான்கு முதல் ஆறு வாரங்கள் ஆகும்.
கணவன், மனைவி இருவரும் பரிசோதனை செய்துகொள்ள வேண்டுமா?+
ஆம். ஆலோசனையின் தொடக்கத்திலேயே இருவரையும் பரிசோதிப்பதுதான் நல்லது. கருத்தரிப்பதில் சிரமம் உள்ளவர்களில் சுமார் பாதிப் பேருக்குக் கணவர் பக்கக் காரணமும் இருக்கும். மனைவியின் பரிசோதனைகளுடன் சேர்த்து, வலியில்லாத எளிய விந்தணு பரிசோதனையும் செய்தால் தேவையில்லாத தாமதம் இருக்காது. மனைவியின் வயது கூடும்போது கருமுட்டையின் தரம் குறையும். அதனால் இப்படி மிச்சமாகும் மாதங்கள் மிகவும் முக்கியம். இருவருக்கும் சேர்த்து சரியான சிகிச்சையைத் திட்டமிடவும் இது உதவும்.
விந்தணுக் குறைபாடு தாம்பத்திய உறவையோ பாலுணர்வையோ பாதிக்குமா?+
பொதுவாகப் பாதிக்காது. விந்தணு உற்பத்தியும் விறைப்புத்தன்மையும் உடலில் தனித்தனியாக நடக்கும் வேலைகள். அதனால் விந்தணுக்கள் குறைவாகவோ இல்லாமலோ உள்ள பெரும்பாலான ஆண்களுக்குத் தாம்பத்திய உறவும் பாலுணர்வும் சாதாரணமாகவே இருக்கும்.
விந்தணுக்களின் தரம் உயர எவ்வளவு காலம் ஆகும்?+
ஒரு விந்தணு முழுமையாக உருவாகச் சுமார் 64 முதல் 72 நாட்கள் ஆகும். அதன் பிறகு வெளியே வரவும் சில நாட்கள் ஆகும். அதனால் வாழ்க்கை முறை, உணவு, மருந்துகளில் செய்யும் மாற்றங்களின் பலன் விந்தணு பரிசோதனையில் தெரிய, குறைந்தது 8 முதல் 12 வாரங்கள் ஆகும்.
விந்தணு பரிசோதனை எப்படிச் செய்வார்கள்?+
2 முதல் 7 நாட்கள் விந்து வெளியேறாமல் இருக்க வேண்டும். பிறகு புதிதாகச் சேகரித்த விந்து மாதிரியைப் பரிசோதிப்பார்கள். உலக சுகாதார நிறுவனத்தின் (WHO) அளவுகளின்படி, ஆய்வகம் இவற்றைப் பார்க்கும்: விந்தின் அளவு, விந்தணுக்களின் எண்ணிக்கை, முன்னோக்கி நீந்தும் திறன், வடிவம், pH, உயிருள்ள விந்தணுக்கள் எத்தனை, தொற்றைக் காட்டும் வெள்ளை அணுக்கள்.
அசூஸ்பெர்மியா உள்ள ஆணுக்குச் சொந்தக் குழந்தை பிறக்க வாய்ப்பு உண்டா?+
ஆம், பலருக்கு வாய்ப்பு இருக்கிறது. சிறிய அறுவை முறையில் விந்தணுக்களை எடுத்து, ICSI மூலம் கரு உருவாக்கலாம். அடைப்பால் விந்தணுக்கள் வெளியே வரவில்லை என்றால், விதைகளில் உற்பத்தி பெரும்பாலும் சரியாகவே இருக்கும். அதனால் TESA அல்லது MESA மூலம் எளிதாக எடுக்கலாம். உற்பத்தியிலேயே குறைபாடு இருந்தாலும், micro-TESE மூலம் விதையில் விந்தணு உருவாகும் சிறு பகுதிகளைக் கண்டுபிடிக்கலாம். அந்த விந்தணுக்களை உடனே ICSI சிகிச்சைக்குப் பயன்படுத்தலாம்.
வயது கூடினால் ஆண்களுக்குக் குழந்தை பிறக்கும் வாய்ப்பு குறையுமா?+
ஆண்கள் வாழ்நாள் முழுவதும் விந்தணுக்களை உற்பத்தி செய்கிறார்கள். ஆனாலும் வயதும் ஒரு காரணம்தான். பொதுவாக 40 முதல் 45 வயதுக்குப் பிறகு, விந்தின் அளவு, விந்தணு இயக்கம், விந்தணுவின் DNA ஆரோக்கியம் மெல்ல மெல்லக் குறையலாம். மரபணு மாற்றங்களுக்கான வாய்ப்பும் கூடும். ஆனால் பெண்களோடு ஒப்பிட்டால், ஆண்களுக்கு இந்தக் குறைவு மிக மெதுவாகவே நடக்கும்.
மன அழுத்தத்தால் ஆண்களுக்குக் குழந்தை பிறப்பதில் பிரச்சினை வருமா?+
நீண்ட நாள், கடுமையான மன அழுத்தம் மறைமுகமாகப் பாதிக்கலாம். மன அழுத்தத்தால் உடலில் கார்டிசோல் ஹார்மோன் கூடும். அப்போது விந்தணு உற்பத்திக்குத் தேவையான ஹார்மோன்கள் குறையலாம். டெஸ்டோஸ்டிரோனும் குறையலாம். நீண்ட நாள் மன அழுத்தம் விந்தணுக்களின் இயக்கத்தையும் DNA ஆரோக்கியத்தையும் பாதிக்கலாம்.
தொடர்புடைய சிகிச்சைகள்: IVF சிகிச்சை, ICSI சிகிச்சை, மரபணுப் பரிசோதனை (PGT), விந்தணு எண்ணிக்கைக் குறைவு
தெளிவான பதில்கள், ரகசியமாக
உங்கள் தொலைபேசி எண்ணைப் பதிவு செய்யுங்கள். ஆலோசனைக்கு நேரம் ஒதுக்க, எங்கள் குழு உங்களை ரகசியமாக அழைக்கும்.